У дыяцэзіяльным санктуарыі Маці Божай Каралевы нашых сем’яў у Тракелях (Радунскі дэканат) прайшло святкаванне Сусветнага дня дзядуль, бабуль і пажылых людзей, які адзначаўся ў Паўсюдным Касцёле ў трэці раз.
У санктуарыі адбылася святая Імша, удзельнікі якой маглі памаліцца за жывых дзядуль і бабуль і аб Нябесным Валадарстве для памерлых.
Пасля адбыўся Крыжовы шлях на тэму “Сувязь пакаленняў у сучасным свеце”, у ходзе якога кусташ санктуарыя кс. канонік Юрый Бяганскі разважаў аб ролі дзядуль і бабуль у сучасных сем’ях і грамадстве.
У межах свята адзначалася, у прыватнасці: “Вялікае шчасце – мець дзядулю і бабулю, якія заўсёды прылашчаць, выратуюць ад празмернай бацькоўскай строгасці, падтрымаюць і зразумеюць. Cвяткаванне Дня дзядулі і бабулі – вельмі важная падзея. Яно дапамагае падтрымаць дарагіх нам людзей, падзякаваць ім, паказаць, што яны нам вельмі дарагія і мы цэнім іх за тое, што яны зрабілі для маладога пакалення, і тое, што робяць для нас цяпер”.
Свята атрымалася цёплым і душэўным.
Прэс-служба Гродзенскай дыяцэзіі
