Дзень сям’і прайшоў у парафіі гродзенскага мікрараёна Паўднёвы

27 мая ў гродзенскай парафіі Беззаганнага Зачацця Найсвяцейшай Панны Марыі (Паўднёвы) адбыўся Дзень сям’і, у якім маглі прыняць удзел усе ахвотныя жыхары горада.

Праграма свята ўключала разнастайныя гульні, конкурсы, сямейны турнір.

Ксёндз Павел Аляскевіч выступіў з цікавай канферэнцыяй. Таксама адбылася інтэрактыўная сустрэча з псіхолагам Юліяй Буслаевай.

Свята завяршылася Эўхарыстыяй, канцэртам хору “Sursum Corda” і вогнішчам.

Сустрэча прынесла прысутным шмат прыемных уражанняў. Арганізатары і ўдзельнікі спадзяюцца, што такія мерапрыемствы дапамогуць сем’ям умацаваць адносіны ўнутры іх і наблізіцца да Бога.

Прэс-служба Гродзенскай дыяцэзіі