19 сакавіка ў араторыі св. Яна Боско ў Смаргоні адбылося свята для татаў і хлопчыкаў у гонар св. Юзафа.
Спачатку дзеці і бацькі пабачылі міні-сценку, у якой была прадстаўлена размова паміж вучнямі і настаўніцай у салезіянскай школе. Вучні ўзгадалі пра рысы святога Юзафа і падумалі, чаму могуць у яго навучыцца.
Для ўдзельнікаў свята былі падрыхтаваны ў кабінетах араторыя стэнды спартыўнай і творчай тэматыкі. І дарослым, і дзецям было весела і цікава праходзіць іх. Пасля яны пабачылі відэаролік пра святога Юзафа.
На заканчэнне “шэф-кухары”, с. Тэрэза Сольнічэк FMA і аніматар Міхал Арцюкевіч, прадставілі ўдзельнікам сюрпрыз – вялікі торт у гонар святога Юзафа. Для ўдзельнікаў быў падрыхтаваны салодкі стол.
Свята прынесла прысутным шмат радасці.
Прэс-служба Гродзенскай дыяцэзіі
