З нагоды свята Божага Нараджэння, якое адзначаецца паводле юліянскага календара, выказваем сардэчныя віншаванні ўсім вернікам праваслаўнага вызнання.

Жадаем міру, надзеі і благаслаўлення, якія прыносіць нам Нованароджаны Езус – праўдзівы Бог і праўдзівы чалавек. Няхай гэтае свята, якое праводзіце ў коле блізкіх, родных і сяброў, у досведзе супольнасці і братэрства, прынясе вам радасць і мір сярод штодзённых клопатаў.

Жадаем усім, каб у гэтыя святы ў кожным доме, у кожнай сям’і на Гродзеншчыне і ва ўсёй нашай краіне ўсталявалася радасная, цёплая, сямейная атмасфера, каб мы і далей здолелі жыць у згодзе і адзінстве, а таксама цешыцца дарам міру.

A новы 2023 год няхай прынясе ўсім новую надзею, новыя сілы і новае натхненне!

Прэс-служба Гродзенскай дыяцэзіі