19 лістапада маладыя людзі горада Гродна сабраліся ў гродзенскім касцёле Звеставання Найсвяцейшай Панны Марыі (пабрыгіцкім) на малітоўным чуванні перад Сусветнымі днямі моладзі.
Дні моладзі пройдуць у жніўні 2023 г. у Лісабоне.
Малітоўнае чуванне адбылося пад дэвізам “Устаўшы, Марыя пайшла з паспешнасцю”.
У праграме сустрэчы была святая Імша, якую цэлебраваў душпастыр моладзі кс. канонік Антоні Грэмза.
Таксама быў час на сведчанні маладых людзей, якія распавядалі пра свой духоўны досвед і прысутнасць Маці Божай у сваім жыцці.
Акрамя таго, хлопцы і дзяўчаты ўдзельнічалі ў адарацыі перад Найсвяцейшым Сакрамэнтам, просячы аб святле Духа Святога для сябе і сваіх аднагодкаў.
Прэс-служба Гродзенскай дыяцэзіі
Фота: Віктар Салдаценка
