Міністранты лідскай парафіі Святой Сям’і прынялі ўдзел у рэкалекцыях, якія прайшлі ў Няцечы ў будынку дзіцячага лагеру “Caritas”.
На рэкалекцыях падымаліся тэмы паводзін і адказнасці міністрантаў. На працягу трох дзён міністранты разам са святаром і семінарыстам разважалі над Божым словам, дзяліліся сваімі думкамі пра яго.
Кожны дзень пачынаўся святой Імшой – галоўнай часткай хрысціянскага жыцця. Таксама хапала шматлікіх гульняў, праглядаў фільмаў. У канцы дня былі адарацыя Найсвяцейшага Сакрамэнту і Ружанец, што паглыбляла духоўную сувязь хлопцаў з Хрыстом і напаўняла сіламі на наступны дзень.
За час рэкалекцый міністранты паглыбілі сваё духоўнае жыццё і сяброўскія ўзаемаадносіны.
Яраслаў Казлоўскі
