27 чэрвеня, у першы дзень XII Парафіяды дзяцей і моладзі Гродзенскай дыяцэзіі, якая праходзіць у Гродне пад дэвізам “Супакой і дабро”, былі арганізаваны розныя конкурсы.
Дзеці і маладыя людзі ўдзельнічалі ў конкурсе ведаў “Жыццё і гісторыя Касцёла”, біблійным конкурсе, конкурсе рэлігійнай песні “Sacro Song”, конкурсе малюнка i тэатральным.
На заканчэнне дня, багатага на падзеі, адбыліся супольныя забавы.
Затым удзельнікі парафіяды, стомленыя і апаленыя летнім сонцам, якога сёлета было вельмі шмат, але з радаснымі вачыма, разам, як адна вялікая сям’я, маліліся і дзякавалі Пану за гэты дзень, за таленты і дары, якія Ён дае ім.
Прэс-служба Гродзенскай дыяцэзіі
Фота: Аліна Пяценка
