Урачыстасць Першай святой Камуніі адбылася ў Іўі

29 мая ў касцёле святых апосталаў Пятра і Паўла ў Іўі 65 дзяцей упершыню прыступілі да святой Камуніі.

Урачыстую Імшу, на якой сабраліся шматлікія бацькі, хросныя і блізкія дзяцей, узначаліў пробашч парафіі кс. Павел Калеснік.

Над Божым словам разам з вернікамі разважаў кс. Андрэй Аніскевіч.

У гэты дзень, адзін з найважнейшых у іх жыцці, у сэрцах дзяцей былі радасць і хваляванне. Маленькія парафіяне разумелі, што цяпер могуць ва ўсёй паўнаце ўдзельнічаць у святой Імшы.

Раман Ярмош