26 снежня, у адпустовую ўрачыстасць, у лідскай парафіі Святой Сям’і ў літургічную службу алтара было прынята 12 хлопцаў.
На Эўхарыстыі новыя міністранты абавязаліся да служэння і садзейнічання таму, каб літургія была прыгожай.
Падрыхтоўка кандыдатаў у міністранты ішла з пачатку новага катэхетычнага года. Хлопцы рыхтаваліся да служэння праз штотыднёвыя сустрэчы і дні засяроджання.
Перад прыняццем у міністранты юнакі здалі практычны экзамен.
У канцы Імшы адбылася прэзентацыя калядных батлеек. Ствараючы іх, дзеці разам з бацькамі на працягу ўсяго Адвэнту рыхтаваліся да ўрачыстасці Нараджэння Пана.
На заканчэнне ўсіх удзельнікаў чакаў салодкі пачастунак.
Віталій Гурэц
