Дзеці гродзенскай парафіі Божай Міласэрнасці (Вішнявец) з нагоды ўрачыстасці Усіх Святых вырашылі паказаць, што святасць напоўнена радасцю і арыгінальнымі ідэямі, і евангелізаваць сваёй прысутнасцю.
Апрануўшы касцюмы сваіх улюбёных святых, яны вырушылі ў лядовую арэну ў гандлёва-забаўляльным комплексе Triniti.
Людзі паставіліся да гэтай ідэі вельмі прыязна, цікавіліся постацямі святых на каньках і рабілі сумесныя фотаздымкі.
Пасля актыўнага сведчання і адпачынку, падмацаваўшыся спевамі і салодкімі пачастункамі, дзеці з радасцю вярталіся, каб дзяліцца святасцю ў сваіх сем’ях.
С. Дарота Белагрывая CSC
