Касцёл Найсвяцейшага Адкупіцеля на Дзевятоўцы быў асвечаны 15 кастрычніка. Парафія рыхтавалася да гэтай падзеі 18 гадоў – столькі часу ўзводзілася святыня. На ўрачыстую св. Імшу, прысвечаную асвячэнню касцёла, прыбылі тысячы вернікаў, духавенства, гарадскія ўлады і госці з-за мяжы.
Падчас св. Імшы ксёндз біскуп Аляксандр Кашкевіч звярнуўся да ўсіх прысутных з казаннем, у якім сярод іншага адзначыў:
- Вашыя сэрцы – гэта жывыя камяні, якія робяцца ўпрыгожваннем духоўнай святыні… Калі я гляджу на вашу святыню, узбудаваную з такой любоўю, перад вачыма ўстаюць новыя касцёлы і капліцы, узведзеныя за апошнія гады ў Гродзенскай дыяцэзіі, а таксама тыя, якія яшчэ будуюцца, бо у іх ёсць вельмі вялікая патрэба. Усе яны, як і гэтая святыня, з’яўляюцца вынікам супрацы пастыраў і вернікаў кожнай парафіі.
У здзяйсненні літургічных абрадаў ксяндзу біскупу Аляксандру Кашкевічу дапамагаў новапасвечаны дыякан манах-рэдэмптарыст Эдуард Петэльчыц. Падчас спецыяльнага абраду асвячэння касцёла адбылося акрапленне сцен. Пасля ксёндз біскуп асвяціў храм унутры, просячы аб дапамозе Святога Духа. Затым Яго Эксцэленцыя намасціў алтар і сцены храма алеем. Пазней адбылося кадзенне алтара і касцёла.
Увечары быў арганізаваны канцэрт духоўнай музыкі, прысвечаны бл. Яну Паўлу II, які заснаваў Гродзенскую дыяцэзію.
- Вашыя сэрцы – гэта жывыя камяні, якія робяцца ўпрыгожваннем духоўнай святыні… Калі я гляджу на вашу святыню, узбудаваную з такой любоўю, перад вачыма ўстаюць новыя касцёлы і капліцы, узведзеныя за апошнія гады ў Гродзенскай дыяцэзіі, а таксама тыя, якія яшчэ будуюцца, бо у іх ёсць вельмі вялікая патрэба. Усе яны, як і гэтая святыня, з’яўляюцца вынікам супрацы пастыраў і вернікаў кожнай парафіі.
У здзяйсненні літургічных абрадаў ксяндзу біскупу Аляксандру Кашкевічу дапамагаў новапасвечаны дыякан манах-рэдэмптарыст Эдуард Петэльчыц. Падчас спецыяльнага абраду асвячэння касцёла адбылося акрапленне сцен. Пасля ксёндз біскуп асвяціў храм унутры, просячы аб дапамозе Святога Духа. Затым Яго Эксцэленцыя намасціў алтар і сцены храма алеем. Пазней адбылося кадзенне алтара і касцёла.
Увечары быў арганізаваны канцэрт духоўнай музыкі, прысвечаны бл. Яну Паўлу II, які заснаваў Гродзенскую дыяцэзію.
