Перад пачаткам навучальнага года ў Вышэйшай духоўнай семінарыі ў Гродне прайшлі рэкалекцыі для яе студэнтаў. Духоўныя практыкаванні праводзіў айцец Аркадзь Куляха OCD, які нясе служэнне ў Гудагаi.
На працягу трох дзён семінарысты разам са святаром разважалі над шэрагам тэм: праўда пра сябе, жыццё верай кожны день, медытацыя.
Гэтым пытанням айцец Аркадзь прысвяціў канферэнцыі і казанні. Таксама ў межах рэкалекцый ён дзяліўся разважаннямі падчас Крыжовага шляху. Праграма была разнастайнай і насычанай, яна ўключала святую Імшу, супольную Літургію гадзінаў, адарацыю Найсвяцейшага Сакрамэнту і споведзь.
Падсумоўваючы вынікі духоўных практыкаванняў, айцец Аркадзь звярнуў увагу на тое, што для добрага i дзейснага духоўнага жыцця патрэбны адказны i шчыры падыход да малiтвы.
На заканчэнне рэкалекцыяністу выказалі падзяку ад семінарыйнай супольнасці рэктар і дэкан навучальнай установы. Семінарысты спадзяюцца, што добры старт у выглядзе духоўных практыкаванняў стане задаткам паспяховага навучальнага года.
Павел Леановіч
