15 жніўня ў санктуарый Гродзенскай дыяцэзіі Маці Божай Каралевы нашых сем’яў у Тракелях (Радунскі дэканат) прыбылі пілігрымы на роварах з Лідскага і Радунскага дэканатаў.
Аматары двух колаў хацелі такім чынам ушанаваць Марыю, весці дыялог з Богам і тым самым публічна выразіць сваю веру і прыналежнасць да Касцёла.
Велапілігрымаў сардэчна сустракаў і вітаў кусташ санктуарыя кс. доктар Юрый Бяганскі. Пасля рэгістрацыі пілігрымы накіраваліся ў святыню, каб разам з парафіянамі памаліцца на ружанцы.
Адбылася святая Імша ў інтэнцыі ўсіх пілігрымаў і парафіян, якую цэлебраваў кусташ.
Пасля заканчэння Эўхарыстыі і невялікага пачастунку пачаліся спаборніцтвы, у выніку якіх былі выбраны пераможцы.
Пераможцы:
Катэгорыя да 14 гадоў
1. Міхаіл Ярашэнкаў
2. Маргарыта Сарэла
3. Валерыя Чапкоўская
Катэгорыя 15-35 гадоў
1. Валерый Гулецкі
2. Арцём Шыдлоўскі
3. Валянцін Міхайлін
Катэгорыя 35-55 гадоў, мужчыны
1. Сяргей Палуян
2. Павел Ражаноўскі
3. Яраслаў Гулецкі
Катэгорыя 35-55 гадоў, жанчыны
1. Наталля Міхальчанка
2. Вольга Круглая
3. Алена Учкуроніс
Пераможцы атрымалі медалі і падарункі.
Арганізатары мерапрыемства перакананыя, што велапілігрымка да цудатворнага абраза Маці Божай дапамагла ўдзельнікам духоўна падняцца, адмовіцца ад зла і навярнуцца да дабра, каб быць сапраўднымі хрысціянамі.
На заканчэнне адбылося благаслаўленне ровараў і пілігрымаў на зваротны шлях.
З усмешкай на тварах пілігрымы вярталіся дадому, забіраючы з сабой Божае благаслаўленне і ласкавы позірк каханай Матулі.
Прэс-служба Гродзенскай дыяцэзіі
