10 жніўня ў парафіі Божай Міласэрнасці ў Гродне (Вішнявец) адбыўся дзень засяроджання для дзяўчат, дэвізам якога былі словы “Ствары ўва мне, Божа, чыстае сэрца”.
Дзяўчаты ў чарговы раз сабраліся, каб задумацца над Божым словам, якое лагодна перамяняе чалавечае жыццё і дапамагае ўзрастаць на шляху любові да Пана, сябе і бліжняга. Сустрэчу арганізавала Супольнасць Сясцёр св. Кацярыны.
Важным акцэнтам сустрэчы была барацьба не з грахом, а з прычынамі яго ўзнікнення.
Пераход не ад зла да дабра, а ад добрага да лепшага – такой была галоўная думка, прапанаваная ўдзельніцам дня засяроджання.
Прэс-служба Гродзенскай дыяцэзіі
