З нагоды свята Пасхі Хрыстовай, якое вернікі Беларускай Праваслаўнай Царквы сёлета адзначаюць 2 мая, выказваем сардэчныя віншаванні.
Няхай пасхальныя святы будуць для вас крыніцай надзеі і міру, а таксама магчымасцю адкрыцця на ласку і поўных любові сустрэч з бліжнімі.
Не дазволім, каб падзелы і спрэчкі азмрочылі радасць гэтага святкавання. Няхай Евангелле Жыцця дазволіць нам усім з павагай зірнуць на іншага чалавека, асабліва на найбольш безабароннага!
Жадаем усім, каб у гэтыя святы ў кожным доме, у кожнай сям’і на Гродзеншчыне і ва ўсёй нашай краіне ўсталявалася радасная, цёплая, сямейная атмасфера.
Няхай супакой, еднасць і блізкасць напаўняюць усе сэрцы і натхняюць на добрыя справы.
Хрыстос уваскрос! Сапраўды ўваскрос!
Прэс-служба Гродзенскай дыяцэзіі
