13 сакавіка ў парафіі св. Яна Паўла ІІ у Смаргоні адбылася моладзевая адарацыя крыжа.
Маладыя людзі сабраліся на супольнай малітве ў парафіяльнай капліцы, каб у Вялікі пост, які заўсёды вядзе да Крыжа Збаўцы, разважаць над мукай нашага Пана Езуса Хрыста.
У межах сустрэчы быў час на супольную малітву і спеў, а таксама на індывідуальную малітву ў цішыні.
Падчас адарацыі ўдзельнікі малітоўнай сустрэчы спасцігалі тую праўду, што ні шлях Езуса, ні наш не заканчваецца на крыжы, а заўсёды наступае ўваскрасенне, і што праз цярпенне Езуса Укрыжаванага можна ўбачыць хвалу самога Бога.
Кс. Юрый Марціновіч
Фота: архіў парафіі
