Напярэдадні святаў Божага Нараджэння ў парафіі Узвышэння Святога Крыжа ў Лідзе наймалодшыя парафіяне мелі магчымасць сустрэцца з мастаком, дызайнерам, ілюстратарам, аўтарам кніг для дзяцей Надзеяй Букай.
Мастачка правяла майстар-клас на тэму Божага Нараджэння. У сваіх працах дзеці малявалі анёлаў, якія першыя абвясцілі свету пра Нараджэнне Божага Сына. Некаторыя зрабілі паштоўкі, якія, напэўна, падораць сваім блізкім з нагоды святаў Нараджэння Пана.
Сустрэча стала магчымасцю для дзяцей праявіць або нават адкрыць свой мастацкі талент, якім іх адарыў Бог.
Кс. Юрый Марціновіч
