Перад успамінам усіх памерлых вернікаў католікі накіроўваюцца на могілкі, дзе спачываюць целы родных і блізкіх, каб прыбраць смецце і падрыхтаваць магілы да гэтага ўспаміну і ўрачыстасці Усіх святых.
Гэтае ж учынілі і навучэнцы Вышэйшай духоўнай семінарыі ў Гродне. Хоць семінарысты і не могуць прыбраць месца пахавання сваіх родных у гэты час, але ўжо па традыцыі яны далучыліся да прыбірання Старых гарадскіх могілак Гродна.
Два дні пасля лекцый яны прысвяцілі гэтай добрай справе: зграбалі сухую траву, выносілі смецце, вырывалі дзікія кусты. Разам з семінарыстамі на могілках працавала вялікая колькасць вернікаў Гродна, якія таксама ахвяравалі свой час і сілы, каб прывесці ў парадак найстарэйшыя могілкі горада.
Aндрэй Юхнік