Партал Catholic.by і газета Віцебскай дыяцэзіі «Каталіцкі веснік» (падпісны індэкс 63783) арганізоўваюць фотаконкурс «Чалавек — Божае стварэнне». Мэта конкурсу — нагадаць аб каштоўнасці, прыгажосці і годнасці кожнага чалавечага жыцця, незалежна ад узросту і сацыяльнага палажэння. Вашы фотаздымкі могуць стаць адлюстраваннем розных лёсаў, якія з’яўляюцца каштоўнымі ў вачах Стварыцеля, і напамінам пра тое, што ў кожным чалавечым жыцці ёсць Бог.Конкурс будзе праводзіцца на партале Catholic.by. Здымкі можна дасылаць да 10 ліпеня. Пераможцаў вызначаць самі наведвальнікі сайта. Галасаванне будзе праходзіць з 10 па 30 ліпеня. Газета «Каталіцкі веснік» узнагародзіць каштоўнымі прызамі аўтараў лепшых прац. Уручэнне прызоў адбудзецца падчас Малітоўнай сустрэчы моладзі ў Івянцы (5–7 жніўня).
Фотаконкурс з'яўляецца таксама водгукам на законапраект па рэпрадукцыйных тэхналогіях і пратэстам супраць легалізацыі ў Беларусі сурагатных маці, банкаў донарскіх клетак і зачацця ў прабірцы.
Умовы ўдзелу і форму падачы прац - на партале Catholic.by.
