Урачыстасць Першай Камуніі прайшла ў парафіі Св. Яна Паўла ІІ у Смаргоні

16 чэрвеня, у нядзелю Найсвяцейшай Тройцы, група дзяцей у парафіі Св. Яна Паўла ІІ у Смаргоні ўпершыню прыступіла да святой Камуніі. Днём раней дзеці першы раз прыступілі да сакрамэнту пакаяння і паяднання.

Гэтыя сакрамэнты прынялі 22 дзіцяці, якія пасля адпаведнай падрыхтоўкі запрасілі Пана Езуса ў сваё сэрца. Падчас урачыстай святой Імшы яны казалі, што жадаюць, каб Езус Хрыстус быў у іх сэрцах заўсёды.

Імшу ўзначаліў пробашч парафіі кс. Яўген Учкуроніс.

Бацькі маленькіх парафіян выказалі словы ўдзячнасці ў адрас пробашча і сястры Аліны Кулай CSCII за клопат пра дзяцей і падрыхтоўку да гэтай важнай у іх жыцці падзеі.

Kс. Юрый Марціновіч