20 студзеня ў Шчучыне ў кляштары айцоў піяраў адбылася аплаткавая сустрэча настаўнікаў і выхавацеляў.
Традыцыйна яна распачалася з супольнай малітвы і дзялення аплаткай.
За кавай і гарбатай удзельнікі сустрэчы ўспомнілі найважнейшыя моманты мінулага года, звязаныя з душпастырствам настаўнікаў і выхавацеляў, а было іх нямала. Адбылося таксама планаванне будучых мерапрыемстваў.
Завяршылі аплаткавую сустрэчу калядныя спевы.
Душпастырства настаўнікаў і выхавацеляў у шчучынскай парафіі існуе з 2013 года. Сустрэчы адбываюцца кожны месяц. Заснавальнікам і апекуном душпастырства з’яўляецца пробашч парафіі а. Вітольд Пяцельчыц SP.
А. Віталій Слука SP
Фота: Людміла Казлова
