10–11 сакавіка ў айцоў піяраў у Лідзе-Індустрыяльным (Гродзенская дыяцэзія) адбыліся духоўныя сустрэчы для юнакоў ва ўзросце ад 14 гадоў. Духоўныя практыкаванні былі прысвечаны тэме “Курс добрай споведзі”.
Сустрэчы правёў а. Аляксандр Махнач SP, піярскі душпастыр пакліканняў. У іх удзельнічала восем юнакоў з Ліды і Шчучына.
У межах духоўных практыкаванняў падчас Вялікага посту былі супольная малітва, адарацыя Найсвяцейшага Сакрамэнту, споведзь, Эўхарыстыя, тэматычныя сустрэчы, размовы са святаром-піярам, гульня ў пінг-понг.
Малітоўныя сустрэчы ў айцоў піяраў даюць магчымасць узмацніць сяброўства з Хрыстом, каб адкрыць сваё жыццёвае пакліканне.
JM
