Некалькімі днямі раней у свецкіх сродках масавай інфармацыі з’явілася інтэрв’ю са “святаром Старакаталіцкай Царквы” Дзмітрыем Бондарам, дзейнасць якога супярэчыць вучэнню Каталіцкага Касцёла. З гэтай прычыны Курыя Гродзенскай дыяцэзіі публікуе афіцыйную заяву, якая мае на мэце высветліць абставіны па дадзенай справе.
Заява Курыі Гродзенскай дыяцэзіі адносна асобы Дзмітрыя Бондара
У сувязі са з'яўленнем у сродках масавай інфармацыі матэрыялаў пра дзейнасць спадара Дзмітрыя Бондара Курыя Гродзенскай дыяцэзіі Рымска-каталіцкага Касцёла ў Беларусі папярэджвае вернікаў аб тым, што вышэй узгаданы чалавек не з'яўляецца святаром Рымска-каталіцкага абраду. У той жа час яго статус як святара старакаталіцкай супольнасці ў мясцовасці Літоўка каля Навагрудка застаецца да канца не вядомым, што многіх уводзіць у замяшанне.
У сувязі з гэтым перасцерагаем перад дзейнасцю спадара Дзмітрыя Бондара як шкоднай і правакацыйнай для Рымска-каталіцкага Касцёла.
Курыя Гродзенскай дыяцэзіі
Гродна, 23 лютага 2018 года
№75/18
