3 чэрвеня дабрачынная група "Уваскрасенне" Душпастырства студэнтаў і старэйшай моладзі Гродна “OPEN” арганізавала свята для дзяцей-інвалідаў. Больш за 160 дзяцей прынялі ўдзел у дабрачынным свяце, якое было прысвечана Міжнароднаму дню дзіцяці.
Па традыцыі свята адбылося ў Агратурыстычным комплексе «Гарадзенскi маёнтак «Каробчыцы» Гродзенскага мясакамбіната.
Моладзь з “OPEN” разам са сваім душпастырам кс. Антоніем Грэмзам падрыхтавала для дзяцей багатую праграму, у якую ўвайшлі разнастайныя забавы і гульні. Дзеці разам са сваімі бацькамі мелі магчымасць адчуць сапраўдную радасць, а таксама тое, што Каталіцкі Касцёл памятае аб асобах, закранутых хваробай і калецтвам.
Арганізатары дабрачыннай акцыі вельмі ўдзячныя дырэкцыі комплекса «Гарадзенскi маёнтак «Каробчыцы» за магчымасць у чарговы раз правесці свята на тэрыторыі гэтага прыгожага месца.
Кс. Юрый Марціновіч
