У Гродзенскай дыяцэзіі працягваецца перэгрынацыя фігуры Маці Божай Фацімскай. Перэгрынацыя пачалася са Шчучынскага дэканату.
14-15 мая фігурa Маці Божай Фацімскай прабывала ў парафіі Cвятых апосталаў Пятра і Паўла ў Старых Васілішках.
Вернікі гэтай парафіяльнай супольнасці з вялікай узрушанасцю ў вачах віталі сваю Нябесную Маці, якая наведала іх з нагоды сотай гадавіны аб’яўленняў у Фаціме. Праз увесь час прысутнасці фігуры ў парафіяльнай святыні вернікі трывалі на малітве, асабліва на Ружанцы, аб якім прасіла сама Марыя, а таксама прынялі ўдзел у святых Імшах.
Мэтай перэгрынацыі фігуры Маці Божай Каралевы Супакою з’яўляецца найперш паглыбленне веры, надзеі і любові, узрастанне марыйнай пабожнасці, лепшае знаёмства з фацімскім пасланнем і прыняцце яго, навяртанне сэрцаў.
Кс. Юрый Марціновіч
