14 мая ў парафіі Перамянення Пана ў Юрацішках адбыліся 2 важныя падзеі: 10 дзяцей прыступілі першы раз да святой Камуніі і пачалася перэгрынацыя фігуры Маці Божай Фацімскай.
Цягам двух год дзеці рыхтаваліся да святых сакрамэнтаў — святой споведзі і Эўхарыстыі. Падчас урачыстасці пробашч парафіі кс. Віталій Чурган пажадаў дзецям быць добрымі, выхаванымі, паважаць бацькоў, настаўнікаў, а таксама трываць у веры. Маленькія вернікі ў сваю чаргу падзяквалі святару, бацькам, хросным і ўсім тым, хто дапамагаў ім у падрыхтоўцы да прыняцця Першай святой Камуніі, а таксама паабяцалі пастаянна ўдзельнічаць у св. Імшы і надалей наведваць заняткі рэлігіі.
Напрыканцы вернікі памаліліся да Маці Божай, просячы Яе заступніцтва для дзяцей.
Тэкст: Вікторыя Пярлухіна
Фота: Вікторыя Пярлухіна, Дзіяна Дударэвіч
