У дзень 400-гадовага юбілею заснавання Ордэна Пабожных школ, 6 сакавіка, у шчучынскай парафіі св. Тэрэзы Авільскай айцы піяры ўрачыста аднавілі манаскія абяцанні. Праз гэты жэст святары пацвердзілі сваё прысвячэнне выхаванню дзяцей і моладзі па прыкладзе св. Юзафа Каласанса - заснавальніка ордэну піяраў.
"Ад усяго сэрца дзякуем Богу за дар жыцця і «каласанскага паклікання». Просім у малітве і спадзяемся, што ідэя св. Ю. Каласанса знойдзе яшчэ шмат прыхільнікаў", - адзначылі манахі падчас Імшы.
Ордэн Пабожных школ быў першай манаскай супольнасцю ў Касцёле, дзейнасць якой цалкам засяроджана на выхаванні. На сённяшні момант айцы піяры нясуць сваю паслугу ў 38 краінах на чатырох кантынетах свету.
Тэкст: а. Віталь Слука SP
Фота: Людміла Казлова
