20 студзеня навучэнцы Вышэйшай духоўнай семінарыі ў Гродне наведалі садок для дзяцей з абмежаванымі магчымасцямі, каб падзяліцца з імі радасцю перажывання перыяду Божага Нараджэння.
"Спадзяёмся, што гэты непаўторны, насычаны новымі ўражаннямі час пакіне пасля сябе незабыўны след у душы кожнага дзіцяці і моцна паўплывае на іх далейшае жыццё", - адзначыў адзін з семінарыстаў.
Клерыкі гродзенскай ВДС штогод падчас каляднага перыяду наведваюць дамы-інтэрнаты, шпіталі і дамы для людзей састарэлага ўзросту, каб распавесці іх насельнікам пра таямніцу Нараджэння Збаўцы.
кл. Яўген Амосенак
