Урачыстасць Беззаганнага Зачацця НПМ і дыяканскія пасвячэнні сабралі ў катэдральнай базыліцы ў Гродне шмат вернікаў і духоўных асоб. Ксёндз Кардынал Зянон Грахалеўскі быў галоўным цэлебрантам св. Імшы а 12 00 гадзіне, а разам з ім канцэлебравалі яе кс. біскупы Аляксандр Кашкевіч і Антоній Дзям’янка, кс. арцыбіскуп Тадэвуш Кандрусевіч і шматлікія святары. Ксёндз Кардынал удзяліў тром алюмнам з гродзенскай ВДС дыяканскія пасвячэнні. Аляксандр Вілюшкевіч, Артур Валчкевіч і Ян Коўш сталі дыяканамі. Мітрапаліт Мінска-Магілёўскі, кс. арцыбіскуп Тадэвуш Кандрусевіч звярнуў увагу высокага пасланца Пятровай сталіцы на тое, што Касцёл у Беларусі жыве і чакае прыезду Бэнэдыкта XVI. Мітрапаліт папрасіў Ксяндза Кардынала перадаць Святому Айцу запрашэнне прыехаць у Беларусь. Ксёндз Кардынал, развітваючыся, заявіў, што беларускі Касцёл заваяваў яго сэрца сваёй верай.
Гэтая ўрачыстая св. Імша ў гродзенскай катэдры была апошнім пунктам візіту кс. кардынала Зянона Грахалеўскага на Гродзеншчыне.
Гэтая ўрачыстая св. Імша ў гродзенскай катэдры была апошнім пунктам візіту кс. кардынала Зянона Грахалеўскага на Гродзеншчыне.
