Чарговая сустрэча для бацькоў літургічнай службы алтара і моладзевага хору Calasanz прайшла ў Шчучыне ў кляштары айцоў-піяраў 12 сакавіка. Канферэнцыю па тэме "Бацька - аўтарытэт для дзіцяці" правяла спецыяльна запрошаная на гэтую сустрэчу сястра салезіянка Ірына Барцэвіч.
Манахіня дапамагла ўсім прысутным разгледзець пытанні: як добра я ведаю сваю дачку / сына, якія ў майго дзіцяці ёсць станоўчыя рысы, колькі я клапачуся аб тым, каб даць добры прыклад сваім дзецям і гэтак далей.
Крыху пазней адбылася другая частка сустрэчы, прысвечаная сакраманту споведзі, якую правёў пробашч парафіі Вітальд Пяцельчыц SP.
Напрыканцы адбылося набажэнства Крыжовага шляху, тэма якога была звязана з прабачэннем у сям'і.
Тэкст а. Віталій Слука SP
Фота: Людміла Казлова і Віталій Варонік
