У пятнічны вечар 4 сакавіка ў гродзенскай парафіі Святога Духа (Альшанка) ушанавалі мукі і ўкрыжаванне Езуса Хрыста. Крыжовы шлях падрыхтавалі і правялі навучэнцы ВДС у Гродне. Разважанні над пакутамі Езуса суправаджаліся сцэнамі са знакамітага фільма "Страсці Хрыстовы".
Ці маеце вы дастаткова адвагі духу, каб раздзяліць з бліжнім крыж, як гэта зрабіў Сымон? Ці маеце вы адвагу любові, як Вераніка, каб працягнуць руку дапамогі таму, каму яна неабходна, але ад каго адвярнуўся ўвесь свет. Ці зможаце вы вытрываць такое зневажэнне душы, якое дасведчыў Езус падчас укрыжавання? Спачуваючы Хрысту ў яго цялесных і духоўных пакутах, ці знойдзеце вы ў сваім сэрцы спачуванне ў адносінах да кожнага, хто пакутуе?
Ангеліна Пакачайла, Ангеліна Марцішэўская
