Прэм'ера афіцыйнага гімна СДМ ў Кракаве-2016 адбылася 6 студзеня 2015 года, у свята Аб’яўлення Пана, на заканчэнне працэсіі Трох Каралёў - традыцыйнай каляднай акцыяй ў Кракаве. Удзельнікі працэсіі маглі пачуць выкананне гімна ўжывую, на Галоўным Рынку ў 12.00.
Ужо падрыхтаваны аўдыёзапіс гэтай будучай галоўнай песні Сусветнага дня моладзі; відэа арганізатары абяцаюць скампанаваць ў бліжэйшы час.
У выкананні гімна прынялі ўдзел артысты, якія падрыхтавалі і студыйны запіс гэтага твора: хор, аркестр, музычная група. Аўтарам слоў і музыкі стаў Якуб Бліхаж, вядомы ў Кракаве аўтар літургічных твораў і ўдзельнік мясцовай малітоўнай групы, юрыст па спецыяльнасці. Хоць наўрад мажліва цалкам у такіх выпадках казаць пра «аўтарства слоў»: тэкст узяты са Святога Пісання. Прыпевам гімна стаў верш з Евангелля «Бласлаўлёныя міласэрныя, бо яны памілаваны будуць». Менавіта гэты радок з Нагорнай пропаведзі абраны лозунгам СДМ-2016.
Зараз выканана і выкладзена ў сеціва толькі польскамоўная версія песні; версіі на іншых мовах, у адпаведнасці з сусветным характарам Дня моладзі, з'явяцца некалькі пазней. Гімн будуць выконваць падчас СДМ, які адбудзецца ў Кракаве ад 26 да 31 ліпеня 2016 году.
Паводле Klub Miłośników Dobrych Mediów
Спасылка:
http://kmdm.pl/hymn-sdm-2016-blogoslawieni-milosierni-pierwsze-publiczne-wykonanie/
