3 мая пастыр нашай дыяцэзіі біскуп Аляксандр Кашкевіч адзначае імяніны.
У гэты дзень удзячная супольнасць вернікаў дыяцэзіі падтрымлівае свайго пастыра малітвамі. Ва ўсіх святынях Гродзеншчыны шаноўнага імянінніка даручаюць Пану Богу праз заступніцтва Найсвяцейшай Маці, якую ў маі Касцёл асабліва ўшаноўвае.
Ваша Эксцэленцыя, ад імя ўсіх супрацоўнікаў аддзела сродкаў масавай інфармацыі Гродзенскай дыяцэзіі жадаем выказаць самыя сардэчныя віншаванні.
Няхай Усемагутны Бог адорвае Вас благаслаўленнем і моцай Духа Святога, няхай удзяляе ласкі, дае здароўе, дазваляе цешыцца любоўю бліжніх, а таксама дзяліцца багатым досведам і прыкладам глыбокай веры.
Карыстаючыся нагодай, дзякуем Вам за адкрытасць, дабрыню, спрыянне таму, што мы можам абвяшчаць Хрыстовае Евангелле з дапамогай сродкаў масавай інфармацыі, і за ўсё дабро, якое праз Ваша служэнне атрымала наша дыяцэзія.
Няхай Хрыстус Пан Уваскрослы благаслаўляе кожны Ваш дзень і нястомна суправаджае ў жыцці! A мы са свайго боку абяцаем малітву!
Прэс-служба Гродзенскай дыяцэзіі
