Пры гродзенскім рэктаральным касцёле Звеставання Найсвяцейшай Панне Марыі (пабрыгіцкім) перад святамі Божага Нараджэння адбылася аплаткавая сустрэча моладзі.
Сустрэча была арганізавана Моладзевым душпастырствам OPEN. На ёй сабраліся маладыя людзі з розных парафій горада над Нёманам разам са святарамі сваіх супольнасцяў.
Мерапрыемства пачалося ў касцёле святой Імшой, якую ўзначаліў кс. канонік Антоні Грэмза, адказны за душпастырства моладзі.
Сустрэча была асаблівым часам, калі ўдзельнікі маглі падзяліцца аплаткамі, выказаць адзін аднаму сардэчныя віншаванні з нагоды святаў і падумаць над планамі на будучыню.
У праграме былі таксама інтэграцыйныя гульні і канцэрт.
Прэс-служба Гродзенскай дыяцэзіі
Фота: Віктар Салдаценка
