У апошнюю суботу кастрычніка, які ў Касцёле традыцыйна прысвечаны ружанцовай малітве, дзеці з парафіі Святога Духа ў Гродне (Альшанка) прынялі ўдзел у майстар-класе “Ружанец-бранзалет сваімі рукамі”.
Кожны з удзельнікаў паспрабаваў свае сілы, каб самастойна зрабіць са шнурка і пацерак ружанец. Нягледзячы на тое, што тэхніка пляцення была няпростай, усе цудоўна справіліся з заданнем.
Хоць месяц кастрычнік заканчваецца, арганізатары майстар-класу маюць надзею, што дзеці і надалей будуць працягваць маліцца на ружанцы, а некага з іх, можа, будзе заахвочваць да такой малітвы ружанец, сплецены ўласнаручна.
Прэс-служба Гродзенскай дыяцэзіі
