Пры санктуарыі Гродзенскай дыяцэзіі Маці Божай Каралевы нашых сем'яў у Тракелях (Радунскі дэканат) адбыўся мастацкі пленэр.
На пленэры сабраліся вучні Лідскай дзіцячай мастацкай школы. Карціны ўдзельнікаў атрымаліся вельмі незвычайнымі, нібы іх натхняла сама Маці Божая.
Таксама дзеці пазнаёміліся з гісторыяй стварэння тракельскага касцёла Адведзінаў Найсвяцейшай Панны Марыі, які з'яўляецца помнікам народнага драўлянага дойлідства з элементамі барока і класіцызму і пабудаваны ў 1809 г.
Прысутныя дакрануліся да гісторыі, паўдзельнічалі, як і многія пілігрымы, якія прыбываюць у Тракелі, у сустрэчы з Марыяй, ушанаваўшы Яе і папрасіўшы абароны і натхнення.
Прэс-служба Гродзенскай дыяцэзіі
