4 чэрвеня нa заканчэнне Белага тыдня дзеці з парафіі святых апосталаў Пятра і Паўла ў Іўі, якія ў гэтым годзе першы раз прынялі святую Камунію, наведалі з пілігрымкай санктуарый Маці Божай Каралевы нашых сем’яў у Тракелях (Радунскі дэканат).
Падчас пілігрымкі дзеці мелі магчымасць выказаць удзячнасць Богу і Найсвяцейшай Маці за дар Першай Камуніі. Хлопчыкі і дзяўчынкі асабліва маліліся за сваіх бацькоў і катэхетаў, якія перадалі ім дар веры і паказалі шлях да Бога.
Аўтобусная пілігрымка “першакамунійных” дзяцей у санктуарый Гродзенскай дыяцэзіі ў Тракелях ужо стала традыцыяй. Яна адбываецца кожны год на заканчэнне Белага тыдня.
Прэс-служба Гродзенскай дыяцэзіі