2 красавіка моладзь катэдральнай парафіі св. Францішка Ксаверыя ў Гродне разам са сваім душпастырам кс. Яўгеніем Амасёнкам, які прыязджаў сюды яшчэ будучы семінарыстам, наведала дом-інтэрнат для дзяцей у Галавічполлі.
Моладзь сустрэлася з дзецьмі, каб павіншаваць з надыходзячым Вялікаднем – падзяліцца радасцю ўваскрасення Хрыста.
Ксёндз Яўгеній распавёў дзецям, чым з’яўляецца Пасха і чаму мы так рыхтуемся да яе.
.
Разам з моладдзю дзеці вывучылі некалькі танцаў і хрысціянскіх песень, а таксама паказалі свае таленты.
Вельмі чулымі былі размовы маладых людзей з дзецьмі, якія дзяліліся сваімі марамі, жаданнямі, горам і радасцю.
Сустрэча была сапраўды напоўнена цеплынёй і радасцю, аб чым сведчыць тое, што моладзь не хацела ад’язджаць, а дзеці з вялікім запалам і надзеяй запрашалі прыязджаць часцей. Гэтая сустрэча пакінула добры след і прыемныя ўражанні ў памяці ўдзельнікаў.
Aндрэй Юхнік
