Ужо па традыцыі, у трэці раз, моладзь і іншыя вернікі парафіі св. Яна Паўла ІІ у Смаргоні на чале з пробашчам кс. Яўгенам Учкуронісам вырушылі ў аднадзённы сплаў на байдарках па рацэ Вілія ў гонар апекуна сваёй парафіі.
Удзельнікі распачалі дзень святой Імшой ў парафіяльнай капліцы, пасля чаго вырушылі ў Жодзішкі, дзе іх сустрэў Алег Мізула, які па традыцыі быў правадніком па Віліі.
У Дубку вернікі правялі супольны пікнік і адпачынак, а пасля пад кіраўніцтвам Алега Мізулы ўдзельнічалі ў невялікай экскурсіі, падчас якой памаліліся ў мясцовай капліцы.
Працягваючы вандроўку, пілігрымы наведалі па лясной дарозе шмат цікавых гістарычных месцаў.
Удзельнікі вярнуліся шчаслівыя і радасныя, напоўненымі добрымі думкамі і ўражаннямі ад супольнай вандроўкі. Вернікі ўдзячныя свайму пробашчу кс. Яўгену Учкуронісу за арганізацыю адпачынку, а Алегу Мізулу – за кіраванне падарожжам і экскурсіі.
