Апоўначы 18 ліпеня ў межах урачыстасцяў у Гудагаі распачалася ўрачыстая святая Імша, якую ўзначаліў арцыбіскуп Тадэвуш Кандрусевіч.
На пачатку літургіі адбылася працэсія святла з паходнямі і цудадзейным абразом Маці Божай Шкаплернай, які захоўваецца ў гудагайскім санктуарыі.
Разам з арцыбіскупам Імшу цэлебравалі старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч, які прамовіў гамілію, адміністратар Мінска-Магілёўскай архідыяцэзіі біскуп Казімір Велікаселец, генеральны вікарый Мінска-Магілёўскай архідыяцэзіі біскуп Юрый Касабуцкі, айцы кармэліты, якія апякуюцца гэтым санктуарыем, і святары з розных месцаў Беларусі.
Перад гэтым адбылася прэзентацыя Кангрэгацыі сясцёр кармэлітак Дзіцяткі Езуса, якая сёлета адзначае 100-годдзе з часу заснавання.
Прэс-служба Гродзенскай дыяцэзіі
Фота: Ірэна Ахрамовіч
