6-8 мая адбудуцца Дні моладзі Гродзенскай дыяцэзіі. У гэтым годзе ўдзельнікаў будзе прымаць парафія Св. Міхала Арханёла ў Навагрудку.
На Дыяцэзіяльныя дні моладзі запрашаюцца вучні школ, прафесійных навучальных устаноў, студэнты вышэйшых навучальных устаноў.
Дэвіз сёлетняй сустрэчы — "Вялікія рэчы ўчыніў нам Бог праз Марыю".
У мінулым годзе Дні моладзі Гродзенскай дыяцэзіі праходзілі ў парафіі Маці Божай Тройчы Цудоўнай у Мастах.
Дні моладзі Гродзенскай дыяцэзіі бяруць свой пачатак у 1993 годзе, калі біскуп Аляксандр Кашкевіч па прыкладу Святога Айца Яна Паўла ІІ вырашыў прысвяціць асаблівую ўвагу выхаванню маладых вернікаў.
Першы з’езд моладзі прайшоў у маі 1993 г., і з таго часу штогод каталіцкая моладзь з усёй дыяцэзіі збіраецца на сумесную сустрэчу і малітву.
Праграма і ўмовы ўдзелу па спасылцы.
