З 30 сакавіка па 1 красавіка дзеці гродзенскай парафіі Беззаганнага Зачацця Найсвяцейшай Панны Марыі (Паўднёвы) правялі “Канікулы з Богам” у Парэччы.
Арганізатарамі былі катэхетка пані Марына і кіраўнік дзіцячага хору парафіі пані Аліна.
Адпачынак з Богам, для якога ўдзельнікі вырашылі выкарыстаць час вясновых канікул, дапамог ім зблізіцца адзін з адным і з Панам. Гэта былі радасныя дні, якія навучылі дзяцей больш давяраць Богу, адчуваць Яго клопат і прысутнасць.
Такія выезды вельмі важныя і патрэбныя для гарманічнага развіцця і духоўнага росту дзяцей, будаўніцтва правільных адносін з аднагодкамі і ўзаемадзеяння з навакольным светам.
Дзеці і арганізатары засталіся вельмі задаволеныя праведзенымі канікуламі.
Прэс-служба Гродзенскай дыяцэзіі
