8 студзеня, у свята Хросту Пана, у Гродзенскай курыі адбыўся душпастырскі візіт – каляда.
Памяшканні курыі благаславіў у межах візіту арцыбіскуп эмерыт Тадэвуш Кандрусевіч.
Перад гэтым абрадам іерарх прамовіў малітвы ў прыватнай капліцы біскупа Гродзенскага Аляксандра Кашкевіча і ўдзяліў усім, хто працуе ў курыі і пражывае пры ёй, пастырскае благаслаўленне.
Таксама арцыбіскуп Кандрусевіч пажадаў усім прысутным шчодрых Божых дароў у новым годзе.
Прэс-служба Гродзенскай дыяцэзіі
