У нядзелю 28 чэрвеня вернікі парафіі святога Юды Тадэвуша (Смаргонскі дэканат) адзначаць 200-гадовы юбілей кансэкрацыі парафіяльнага касцёла.
Урачыстую святую Імшу ўзначаліць біскуп Гродзенскі Аляксандр Кашкевіч.
Праграма ўрачыстасці
11.30 – прэзентацыя новага выдання мастацка-дакументальнай аповесці Анатоля Шчучкі “Святыняў маўклівыя цені”.
12.00 – святая Імша, прымеркаваная да ўрачыстасці Нараджэння святога Яна Хрысціцеля, якая ў вішнеўскай парафіі традыцыйна з’яўляецца адпустам
Таксама ў гэты дзень у вішнеўскім касцёле можна будзе ўбачыць фотавыставу ўнікальных здымкаў абраза Маці Божай Будслаўскай.
Пробашч парафіі святога Юды Тадэвуша кс. Антоній Казлоўскі ад імя мясцовых вернікаў шчыра запрашае ўсіх жадаючых падзяліць з імі радасць адпустовай урачыстасці і юбілею кансэкрацыі касцёла.
