16 лістапада, ва ўрачыстасць Найсвяцейшай Панны Марыі Вастрабрамскай, галоўнай Апякункі Гродзенскай дыяцэзіі, біскуп Гродзенскі Аляксандр Кашкевіч удзеліць прэзбітэрскае пасвячэнне аднаму дыякану і дыяканскае пасвячэнне 5 семінарыстам.
Прэзбітэрскае пасвячэнне атрымае дыякан Віталій Валюк. Дыяканскае пасвячэнне атрымаюць Яўген Амасёнак, Андрэй Струкель, Павел Шэмет, Томаш Мікалайчык, Дзмітрый Малец.
Урачыстасць адбудзецца ў катэдральным касцёле св. Францішка Ксаверыя ў Гродне. Пачатак святой Імшы ў 12.00.
Дыякан Віталій Валюк нарадзіўся 26 чэрвеня 1991 г., паходзіць з парафіі Божага Цела ў Крамяніцы (Ваўкавыскі дэканат).
Яўген Амасёнак нарадзіўся 8 сакавікa 1987 г., паходзіць з парафіі Беззаганнага Зачацця Найсвяцейшай Панны Марыі ў Слоніме (Слонімскі дэканат).
Aндрэй Струкель нарадзіўся 19 лістападa 1993 г., паходзіць з парафіі Узвышэння Святога Крыжа ў Лідзе (Лідскі дэканат).
Павел Шэмет нарадзіўся 12 ліпеня 1997 г., паходзіць з парафіі Унебаўзяцця Найсвяцейшай Панны Марыі ў Капцёўцы (дэканат Гродна-Захад).
Томаш Мікалайчык нарадзіўся 1 красавікa 1996 г., паходзіць з парафіі Узвышэння Святога Крыжа ў Лідзе (Лідскі дэканат).
Дзмітрый Малец нарадзіўся 18 чэрвеня 1996 г., паходзіць з парафіі Святой Сям’і ў Лідзе (Лідскі дэканат).
Заахвочваем усіх да асаблівай малітвы за тых, хто прыме пасвячэнне, каб яны маглі як мага лепш падрыхтавацца да гэтай падзеі, а ў будучыні былі добрымі Божымі святарамі.
Kс. Юрый Марціновіч
