21 кастрычніка ў парафіі Св. Яна Паўла ІІ у Смаргоні адзначаць адпустовую ўрачыстасць тытулу Касцёла. У праграме святкавання будзе ўрачыстая святая Імша ў капліцы (пачатак у 14 гадзін), затым канцэрт, латарэя ў доме культуры, пачастунак.
Да ўдзелу ва ўрачыстасцях запрашае ўсіх жадаючых пробашч парафіі кс. Яўген Учкуроніс разам з парафіянамі.
Даведка:
Парафія Св. Яна Паўла ІІ у Смаргоні была створана ў 2012 г. 17 лістапада 2012 г. адбылося асвячэнне крыжа і пляцу пад будаўніцтва новага касцёла. 15 ліпеня 2013 г. біскуп Гродзенскі Аляксандр Кашкевіч асвяціў новую капліцу.
22 кастрычніка 2014 г., у літургічны ўспамін св. Яна Паўла ІІ, біскуп Аляксандр Кашкевіч асвяціў фундамент будучага касцёла.
JM
