Парафія Маці Божай Тройчы Цудоўнай у Мастах запрашае на рэкалекцыі, якія правядзе а. Антанэлла Гадэду з Італіі. Рэкалекцыі пройдуць 13-14 кастрычніка.
У Бразіліі а. Антанэлла і а. Энрыке паставілі асаблівы акцэнт на евангелізацыі моладзі і бедных у трушчобах Сан-Паула. Разам са свецкімі асобамі яны заснавалі супольнасць “Запавет міласэрнасці”, якая ўжо дзейнічае ў многіх краінах свету, такіх, як Бельгія, Францыя, Партугалія, Італія, Польшча.
Супольнасць аб’ядноўвае ў адну сям’ю мужчын і жанчын, святароў і манахінь, у справе евангелізацыі, а таксама, давяраючы дзеянню Духа Святога, рэалізуе многія справы міласэрнасці праз словы, малітву і ўчынкі. Харызматам супольнасці з’яўляецца праца з моладдзю, беднымі і іх евангелізацыя.
Айцец Антанэлла ўжо бываў у Беларусі у 2014 г.
Для ўдзелу ў рэкалекцыях неабходна зарэгістравацца з 1 па 9 кастрычніка з 8 да 20 гадзін па тэлефоне
+375 29 90 98 001 (velcom)
+375 29 26 62 042 (мтс).
13 кастрычніка ёсць магчымасць атрымаць абед і начлег.
Па магчымасці мець з сабой Святое Пісанне і ружанец, а таксама пераносны стульчык.
Праграма рэкалекцыі (можа быць зменена):
13 кастрычніка
7.00 – рэгістрацыя ўдзельнікаў
10.00 – першая канферэнцыя
11.30 – перапынак
12.00 – другая канферэнцыя
13.30 – абед
15.00 – Вяночак да Божай Міласэрнасці
- магчымасць прыступіць да сакрамэнту пакаяння
17.00 – святая Імша, пасля – малітва аб аздараўленні і вызваленні
14 кастрычніка
10.00 – канферэнцыя
13.00 – святая Імша
Прыблізнае заканчэнне рэкалекцый – 15.00.
JM
