З 22 па 23 верасня адбудзецца Апостальскі візіт Папы Францішка ў Літву. 22 верасня Пантыфік сустрэнецца з моладдзю (18-35 гадоў) на плошчы перад віленскай катэдрай, дзе захоўваюцца рэліквіі св. Казіміра — апекуна моладзі. Раніцай 23 верасня Папа скіруецца ў Каўнас, дзе ў мясцовым парку Santakos узначаліць нядзельную св. Імшу.
У сувязі з прыездам Пантыфіка ў суседнюю з Беларуссю краіну, арганізуецца дыяцэзіяльная пілігрымка ў Вільню і Каўнас. Выезд аўтобусамі раніцай 22 верасня, вяртанне – увечары 23 верасня.
Умовы ўдзелу ў паломніцтве:
- спіс пілігрымаў з парафіі (Вільнюс, Каўнас; неабходна пазначыць пашпартныя дадзеныя і перадаць спіс у Гродзенскую курыю да 20 жніўня);
- пашпарт;
- віза Шэнген (існуе магчымасць атрымаць бясплатную аднаразовую візу);
- кошт: 60-70 бел. руб.;
- узрост удзельнікаў: ад 18 гадоў;
- пілігрымы самастойна забяспечваюць пасілак на час падарожжа.
Па ўсіх пытаннях звяртацца да арганізатара паломнітцва кс. Паўла Безляповіча па тэл.: + 375 29 266 77 03.
