З 6 па 11 ліпеня ў Навагрудку пройдзе “Школа нараджэння” для сужэнцаў, гінеколагаў, акушэраў і іншых зацікаўленых. Мэта курсаў — падрыхтоўка бацькоў да натуральных родаў і падрыхтоўка “інструктараў”, якія будуць дапамагаць маладым сем'ям у перадродавы перыяд.
“Школа” прапануе цыкл сустрэч:
- выкананне спецыяльнай гімнастыкі;
- музыкатэрапія;
- адпачынак, рэлакс;
- падрыхтоўка да нараджэння;
- дагляд нованароджанага.
Заняткі праходзяць у цікавай і разнастайнай форме: слуханне лекцый, прагляд фільмаў і малітва за дзяцей.
“Школа нараджэння” носіць хрысціянскі характар, бо засноўваецца на асабістай размове з Богам. Галоўны пункт дня падчас курсаў - Эўхарыстыя.
Шмат увагі прысвячаецца як самому працэсу нараджэння, так і ролі бацькоў — не толькі маці, але і бацькі, бо роды — важная сямейная падзея.
Дзякуючы добрым уражанням удзельнікаў з папярэдніх гадоў, “Школа нараджэння” — гэта працэс, які не заканчваецца пасля пяці дзён, а заахвочвае да ўдзелу ў плануемых занятках у будучыні.
Запіс па тэлефоне да 26 чэрвеня.
Ірына Мялешка +375-29-588-42-73
