20 студзеня ў гродзенскім катэдральным касцёле Св. Францішка Ксаверыя адбудзецца набажэнства і малітва аб адзінстве хрысціян. Да ўдзелу запрашаюцца святары, кансэкраваныя асобы і ўсе вернікі горада. Пачатак у 18.00.
"Галоўнай тэмай сёлетняга Тыдня малітвы аб адзінстве хрысціян з’яўляюцца словы з Кнігі Выхаду: «Правіца Твая, Пане, праславілася сілаю» (Вых 15, 6). Няхай гэтыя словы дапамагаюць нам у супольных разважаннях і малітвах шукаць гармоніі з братамі і сёстрамі ў Пану Богу і Ягонай Сіле", - адзначыў біcкуп Аляксандр Кашкевіч у сваім паведамленні.